move. ass ee Jugendgrupp a mir setzen eis fir eng zukunftsorientéiert an ëmweltbewosst Gesellschaft an. Eist Zil: datt d’Stëmm vun der jonker Generatioun och gehéiert gëtt! Eis Themeberäicher sinn enk mam Ëmweltschutz verbonnen! Klimawandel, Naturschutz, Globaliséierung, Mobilitéit, Wunnen, Landwirtschaft, Matbestëmmung, Schoul oder grenzelose Konsum sinn alles Theme mat deene mir eis beschäftegen.
Natierlech kënne mer drop waarden datt anerer sech drëm këmmeren. Mir kënnen awer och selwer aktiv ginn, eis zesummendoen an ufänken eppes ze veränneren.
Bei move. ass jidderee wëllkomm an et si keng Virkenntnesser néideg!
