[Pas de traduction de cette description. En cas de questions, n’hésitez pas à contacter le service].
D’Jugendstuff Munneref ass eng oppe Struktur a gratis fir all Jonken tëschent 10 an 30 Joer aus der Munnerefer Gemeng an den Nopeschgemengen. Et ass eng Plaz fir sech ze treffen, Informatiounen auszetauschen an fir un animéierten an encadréierten Aktivitéite vu qualifizéiertem Personal deelzehuelen. Eng grouss Unzuel un Aktivitéiten a Projeten am nonformellen Kader ginn organiséiert an duerchgefouert. Di pädagogesch Relatioun tëschent dem Personal an den Jugendleche spillt eng ganz wichteg Roll.
D’Jugendstuff ass eng perfekt Plaz fir di Jonk an engem sécheren an vertrauensvolle Kader, wou si eng Hëllefstellung an hirem ganz perséinlechen Entwécklungsprozess ugebuede kréien. D’Zil vum erzéieresche Personal ass donieft och d’Inclusioun vu Jonke mat spezifesche Besoinen an den internationalen Austausch mat a besonnesch fir di Jonk.
