D’Jugendhaus Steinfort ass en Openthaltsuert den einfach zougänglech ass, wou mir en séchere Rahmebedingunge bidden a wou positiv Wäerter wei Toleranz oder Selbstvertraue vermëttelt ginn. Am Jugendhaus gëtt Interaktioun beim Spillen, Experimentéieren, Kachen, Wierken an Iesse gebueden a gefuerdert.
Des weideren bidde mir de Jonken Orientéierungshëllef beim Erwuessen ginn, duerch opbaue vu Vertrauen duerch eng Bezéiungsbasis fir kennen en positiven Afloss ze hunn. Wäertschätzung vun de Jonke steet ob éischter Plaz an erméiglecht d’Erléieren am nonformale Bildungsberäich.
Niewent all den Ugebueder am Jugendhaus stinn och nach Aktivitéiten ausser Haus um Plang wei Ausflich a Vakanzenaktivitéiten. Mee och bei Eenzelfallhëllef steet d’Personal de Jonken zur Säit, wei z.B bei Hausaufgabenhëllef, CV’en opstellen, Virbereeden ob Bewerbungsgespréicher oder Hëllef a Rot an der jeeweileger Liewenssituatioun.
