D’Jugendparlament ass eng Plattform, déi de Jonken, am Alter vu 14-24 Joer, Geleeënheet gëtt fir Aktualitéitssujeten ze diskutéieren a Propositiounen auszeschaffen, déi un d’Ministèren an un d’Chamber adresséiert ginn. Wärend dem Joer treffe sech d’Membere vum Jugendparlament e bis zwee Mol am Mount an thematesche Kommissioune fir Resolutiounen auszeschaffen an zwee Mol am Joer fir eng Plenarsëtzung fir hir ausgeschaffte Resolutiounen ze diskutéieren an ofzestëmmen. D’Jugendparlament ass e politeschen an edukative Projet, bei deem d’Membere wärend dem Joer och verschidde Formatiounen an Teambuilding-Aktivitéiten offréiert kréien.
