Schëfflenger Jugendhaus huet 2005 seng Dieren déi éischte kéier op gemaach an ass fir Jonker tëschent 11 an 30 Joer. Hei kann en sech mat anere Jonken treffen, austauschen, chillen, Billard, Pingpong a Kicker spillen, awer och flott Erfarunge sammelen am Kreativraum, Bouldersall oder an der Kichen. Niewent dem Accueil bitt d Jugendhaus verschidden Aktivitéiten a Projeten un, wéi MTB Touren, Fielsklammen, Kanutouren, Citytrips, e participative Velosatelier, de Service Outreach Youth Work (OYW) a villes méi.
Ee vu eise prioritäre Projeten ass den Zukunftsdilplom. Eng Chance fir Jonker un hire Lieweskompetenzen ze schaffen an duerch eng Zertifizéierung hire CV opzewäerten. D’Aarbecht mat de Jonken an d‘ Ënnerstëtzung vun hirer Entwécklung steet am Schëfflenger Jugendhaus am Fokus.
Weider Infoe fënns du op eiser Homepage oder op Instagram. Wanns du méi iwwert den Zukunftsdiplom wësse wëlls, hei fënns du méi Informatiounen!
Eis Ëffnungszäite sinn:
Dënschden: 14-19 Auer
Mëttwoch: 14-19 Auer
Donneschden: 14-19Auer
Freiden: 16-22 Auer
Samschden: 14-19 Auer
All 1. Samschden am Mount fënnt de Brunch + Aktivitéit statt, do ass d’Jugendhaus schonn um 11 Auer op.
